خالد عويضة
Master key
 عدد المساهمات : 187
تاريخ التسجيل : 24/08/2009
العمر : 59
الموقع : https://www.facebook.com/khaled.ewida--http://space.youblog.net/
 |  موضوع: اليوم جايب لكم أمثال تسمعوها لأول مرة  الثلاثاء سبتمبر 15, 2009 4:29 pm | |
|
اليوم جايب لكم أمثال تسمعوها لأول مرة
اللى بيته من إزاز ميغيرش هدومه فى الصالون
فاقد الشىء يدور عليه
اقلب القدره على فومها الفول يقع منها
تأتى الرياح محمله بالأتربة
ياخبرالنهارده بفلوس بكره ينزل عليه أوكازيون
اللى معاه قرش محيره يجيب حمام ويحمره
قال يامحشحشين يكفيكوا شر الكمين
اللى ياكل لوحده يشبع
لاتبكى على اللبن فى البسكوت
اقطع عرق و حته بتلو
اطبخى ياجاريه الأنبوبه فاضيه يا سيدى
لو حبيبك عسل ما تحطلوش طحينة
اللى يتلسع من الشوربه يتصل بالمطافى
وبكره ترجع ريما من عند خلتها فى مارينا
ياداخل بين البصله وقشرتها حط قطرة علشان هادمع من ريحتها
اصوم اصوم وافطر على المدفع
القرش الأبيض بيعوم فى البحر الأحمر
ضربوا الأعور على عينه قالهم كسرتوا النضاره
اللى ميشفش من الغربال يكشف نظر
المال السايب يعلم الطلبه
نام وارتاح وكل عسل نحل التمساح
من خرج من داره مينساش يأخد المفتاح معاه
الباب اللى يجيجلك منه الريح شيله وركب قبنورى
المضطر يركب التاكسى
رب صدفة خير من ألف ليلة و ليلة
اللى يخاف من العفريت يعمل عبيط
حجه البليد بصرف فلوسى على الوييد
المركب اللى فيها رايسين يلعبوا طاولة
اللى خدتوا الأرعه تخدو ام الخلول
what اللى ميعرفش يقول
أكل العيش يحب الطعميه
lenses العين عليها
قالوا للحرامى أحلف قالهم وحياة قلبى وأفراحوا
أمثــــــال عربيــــات النقــــل
ربنا يحميكى من الميكانيكى
الحلوة أسمها تفاحة للسفر والسياحة
الحلوة من حلوان وصاحبها راجل غلبان
الحلوة من دمياط وعليها أقساط
قصه كفاح مش جايه على المرتاح
متزمروش يابهايم دا السواق نايم
| |
|
شاطيء الغرام
عضو مؤسس
 عدد المساهمات : 45
تاريخ التسجيل : 25/08/2009
العمر : 38
الموقع : http://gharam.youblog.net/
| | موضوع: رد: اليوم جايب لكم أمثال تسمعوها لأول مرة الثلاثاء سبتمبر 15, 2009 10:59 pm | |
| هههههههه .. روعة يا هيك الامثال يا بلا | |
|
manel alger
مُشرف
 عدد المساهمات : 33
تاريخ التسجيل : 31/08/2009
العمر : 32
| | موضوع: رد: اليوم جايب لكم أمثال تسمعوها لأول مرة الثلاثاء سبتمبر 15, 2009 11:59 pm | |
| hahaha  | |
|
