أصول نق النساء من الألف إلى الياء الألف: أنا بدي مصاري عندي عزيمة
الباء : بكرا لازم توصلني لبيت أهلي عندهم حفلة
التاء : ترى اليوم أنا مالي مساوية عشا جيب معك أكل جاهز
الثاء : ثلاثة أسابيع ما طلعنا تمشينا يالله اليوم اعمل حسابك تطلعنا
الجيم: جيرانا ركبوا اليوم دش معقول نحنا ما يكون عنا
الحاء : حبيبى..بدى غير ساعتي، مليت من ساعتي الأوميغا
الخاء : خبر الشلة اليوم انك مالك جاي ..أنا عازمتك نتعشى بره، بس على حسابك
الدال : دور لنا على فيلا على 3 شوارع شو يعني بيت أخوك أحسن منا
الذال : ذليتنا واحنا بنترجاك تشتريلنا سيارة جديدة
الراء : روح قدم على إجازة وخلينا نسافر أسبوع
الزاي : زيد مصروف البيت يعني يا دوب عم يكفي
السين : سجاد البيت صار قديم .....غيره يا أخي السجاد ما كمل سنتين
الشين : شيل الولد مالك شايف انو عم يبكي، أنا تعبت من الأولاد
الصاد : صف كندرتك محلها وعلق أواعيك مكانهم، مليت وأنا القط وراك
الضاد :ضاع عمري وأنا بتعب معك ليش شفت منك يوم خير
الطاء : طلع ها الغسيل وانشروا عني شي مرة
الظاء:ظاهرتك انك ما تحبني .. في مرة طلبت منك طلب ولبيتلي ياه (الله أعلم شو مخبية طلب)
العين: عيوني ...اليوم حكت أختك معي عالتلفون يالطيف على هالنفسية ...
الغين: غير يا أخي ها المواضيع؛ حسسني انو بتحبني شوي
الفاء : فهمت عليك ما تكمل (تقطعلو كلامه مشان تحكي شغلة برأسها )
القاف : قدر يا أخي شوي...كل شغل البيت على راسي...
الكاف: كم مرة قلت لك انو أمك ما بتحبني
اللام : ليش أهلك عزموا بيت أخوك وما عزمونا ؟؟
الميم : معقول ألبس نفس الفستان على الحفلتين
النون : نسيت إنو بكرة عيد ميلاد بنت أختي
الهاء : هيك رح تضل؟ ترى بروح لبيت أهلي!
الواو : ولدت أختي شو بدك تهديهم
الياء : يالله إيدك على 500 دينار حلاوة الصلحة..لأنك زعلتني وكسرت خاطري